閱讀秘書長的文章用我的母語讀我的歷史台譯分享

陳金花(34,8,1)

台灣處分 Taiwan Disposition

美國當局一旦啟動日本台灣地位正常化ê機制, 將會以舊金山和約ê「主要佔領權國」ê立場和身份，終止中國殖民政權（流亡中華民國）對日本台灣ê代理佔領，依照「征服權」親自對日本台灣行使「佔領權」，設立「在台灣之美國軍事政府」，成做「台灣治理當局（台灣關係法）」了後，但是，基於「永久佔領」是違反國際法「國家領土完整原則」，「日本台灣」終其尾ài實現地位正常化，這絕對是無可爭議ê觀點。

台灣最終地位認知ê分歧是tī：接續「美國軍事政府」ê「台灣治理當局」應該是台灣ê住民所組成ê「台灣(民)政府」？kám iáu是日本天皇所設置ê「台灣總督府」? 本文特別對這ê問題深入探討：

1. 「台灣(民)政府」接續「美國軍事政府」ê台灣處分

日本台灣tī法理上是歸屬日本天皇ê日本不可分割領土ê一部份，美國總統nā是支持台灣成做主權獨立ê國家，將會違反美國憲法所承認ê「萬國公法」。美國總統若繼續「架空」日本天皇對台灣ê主權權利，將「台灣治理權」交hōo台灣住民所組成ê「台灣(民)政府」自治，將ē因為台灣m̄是國際社會所承認ê主權國家，台灣人民並bē因為hōo「台灣(民)政府」管轄tiō有「台灣國籍」，台灣人民tī國際社會中猶是無國籍ê人民，猶原繼續淪落tī政治煉獄。美國總統若hōo台灣住民成做無國籍ê人民，這也是違反世界人權宣言第15條之1「人人有權享有國籍」ê規定。

依照法理ē-tàng知影，如果「台灣(民)政府」接續「美國軍事政府」ê台灣處分，因為án-ne是違反國際法理，無正當性，是無可能實現ê。所以，「台灣(民)政府」將會是屬於「過渡期」ê組織，將來會轉型為「台灣總督府」。

2. 「台灣總督府」接續「美國軍事政府」ê台灣處分

琉球列島tī美軍結束佔領以後，美國總統tī「萬國公法」ê規範之下，並m̄是kā琉球列島ê治理權交給琉球住民所組成ê「琉球政府」，而是交hō͘「日本政府」，由其管轄之下ê「沖繩縣政府」行使治理權，實現「沖繩返還」。由「沖繩返還」ê模式，咱ē-tàng知影：美國總統tī「萬國公法」ê規範之下，m̄是kā台灣治理權交hō͘台灣住民所組成ê「台灣(民)政府」，是交還「日本天皇」，然後，才由其管轄之下ê「台灣總督府」行使治理權，實現「台灣返還」。台灣住民tī法理上ê身份是被懸置ê日本臣民，tī「天皇主權」架構內ê「台灣總督」恢復管轄以後，因為有恢復「日本國籍」，才會有國際承認ê國籍。

根據國際法理，「台灣總督府」將會接續「美國軍事政府」ê台灣處分，án-ne才會符合國際法理，有正當性將會實現。

1952年對日和約生效以前，日本政府對伊所有處於被佔領狀態下，包括「日本本土」等歸屬日本天皇ê日本領土，攏不得行使「主權權利」，而是由各地區ê佔領軍，各自依照「佔領權利」行使治理權，善盡「佔領義務」代理日本天皇履行「主權義務」。

tī對日和約生效以後，日本政府對所有「猶原」處於被佔領ê狀態下，包括「台灣」等歸屬日本天皇ê日本領土，皆不得行使「主權權利」，而是由各地區ê佔領軍，各自依照「佔領權利」來行使治理權，善盡「佔領義務」代日本天皇履行「主權義務」。

美國當局無beh支持台灣獨立，當然是確知台灣無歸屬中國，也無歸屬台灣人。Tī萬國公法拘束之下，無論是美國軍事政府親自佔領台灣，或是中國殖民政權代理美國軍事政府佔領台灣， lóng必須善盡「佔領義務」，替日本天皇「暫時保管」台灣，不得允許台灣以「任何型式」和中國合併，所謂ê「不統」，是不可統一、也不得允準台灣以「任何名稱」成做主權獨立ê國家，所謂ê「不獨」，是不可獨立。

美國當局基於「美國利益」ê考量，對違反國際法理，主張「自決獨立」ê台灣治理當局領導人，tō算確實是遭政治迫害，嘛是會當做無看ê。對遵循國際法理，主張「不統不獨」ê台灣治理當局領導人，tō算是確實有貪贓枉法ê代誌，嘛是會當做無看ê。M̄-koh，咱確實知影：所謂ê「不統不獨」，應該只是美國當局對台灣地位tī過渡階段權宜ê「暫時定位」，並m̄是同意中國殖民政權ē-sái「永久佔領」。

處於被佔領狀態下ê台灣住民，基於「永久佔領」是違反國際法「國家領土完整原則」，訴求台灣返還日本天皇是合法有正當性ê，美國當局有立場來支持。其他牽涉著可能變更台灣主權歸屬ê任何訴求，lóng因為不合法而無正當性，美國當局並無立場來支持。